45 дахь удаагийн шатрын олимпиад Унгарын Будапешт хотноо үргэлжилж байна. Монголын эмэгтэйчүүдийн шигшээ баг Дэлхийн хүчтэй багуудын нэг Америкийн багийг 2,5/1,5 онооны харьцаатай хожсоноор 5 дараалан яллаа. Ингэснээр гуравдугаарт эрэмбэлэгдэж, Дэлхийн топ багуудтай мөр зэрэгцэн амжилттай урагшилж байна.

Одоогоор эмэгтэйчүүдийн шигшээ багаас Энэтхэг, Армени, Монголын баг таван тойргийн дараа 10 оноотой тэргүүлж байгаа бол Польш, Гүржийн баг 9 оноотой удаалж байна. Манай эмэгтэй шатарчид зургаадугаар тойрогт Гүржийн багтай оноолт таарчээ.

Эрэгтэй шатарчдын баг тавдугаар тойрогт Суданыг 4:0-ээр буулган авсан бол зургаадугаар тойрогт Болгарын багтай өрсөлдөх юм. Одоогоор Энэтхэг, БНХАУ, Вьетнам, Унгарын баг бүтэн оноотой тэргүүлж буй бол Иран, Норвег 9 оноотой нэхэж яваа юм. Монголын баг одоогоор 6 оноотойгоор 53 дугаарт бичигдэж байна.Хамгийн сүүлийн буюу 11-р өрөг есдүгээр сарын 22-нд болно.