К-поп ертөнцийн хамгийн шилдэг, дуулиантай, өвөрмөц, сэтгэл татам охидын хамтлаг  2NE1 “WELCOME BACK” Дэлхийг тойрсон аялан тоглолтоо албан ёсоор эхлүүллээ.

К-поп ертөнцийг нэг  шат ахиулсан  2NE1 хамтлаг үүсэн байгуулагдаад 5 жилийн дотор хөгжмийн шагнал гардуулах ёслолуудын 161 төрөлд нэр дэвшиж 64-т нь ялалт байгуулж байжээ. Тэд 2016 онд албан ёсоор тарж байгаагаа мэдэгдсэн бол  энэ онд эргэн нэгдэж буйгаа зарлан дэлхийг тойрсон аялан тоглолтоо эхлүүллээ.  2NE1 хамтлагийн аялан тоглолт БНСУ-ын нийслэл Сөүл хотоос эхэлсэн бөгөөд аравдугаар сарын 4,5,6-ны өдрүүдэд үргэлжилсэн байна. Энэхүү тоглолт нь тэдний 15 жилийн ойн арга хэмжээний нэг хэсэг  бөгөөд сүүлийн 10 гаруй жилийн хугацаанд хийж байгаа анхны бүрэн хэмжээний тоглолт юм. Бүгд тус тусын замыг хөөж  саад бэрхшээлүүдтэй тэмцэж байсан ч алдарт охидын хамтлаг эргэн нэгдэж фэнүүдээ баярлууллаа. Мөн тэдний тоглолтыг  YG гэр бүлийг буцаан нэгтгэж чадлаа хэмээн хэвлэлүүд онцолж байна.