Катар улсын нийслэл Доха хотод болсон хятад пүүл бильярд (Heyball)-ын Ази тивийн аварга шалгаруулах тэмцээнээс Монгол Улсын тамирчин Э.Тэмүүжин алтан медаль хүртэж, бильярдын анхны Ази тивийн аварга боллоо.

Э.Тэмүүжин өмнө нь Америк пүүл бильярдын өсвөр үеийнхний ДАШТ-ээс хошой мөнгөн (2016, 2017 онд) медаль хүртсэн бөгөөд 2024 оны снукер бильярдын УАШТ-ээс алтан медаль хүртсэн тамирчин юм.

Энэхүү тэмцээнд түүнээс гадна Б.Нарантуяа, Б.Баттуяа, Э.Ариунцэцэг нарын тамирчид өрсөлдсөн байна. Тус тэмцээний араас аравдугаар сарын 23-26-нд Катарын нээлттэй тэмцээн болох бол аравдугаар сарын 28-наас аравдугаар сарын 9-нд снукер бильярдын 15 улааны дэлхийн аварга шалгаруулах тэмцээн болох аж.