Казахстан улсын Шымкент хотод шатрын эмэгтэйчүүдийн 2024-2025 оны цуврал гранпри тэмцээн өнөөдрөөс эхэлж байна. Уг гранприд нийт 10 шатарчин тойргоор өрсөлдөж зургаан цуврал тэмцээний үр дүнгээр цомын эзнээ тодруулах юм.

Энэ тэмцээнд манай улсаас Их мастер, гавьяат тамирчин, Үндэсний шигшээ багийн тамирчин Батхуягийн Мөнгөнтуул өрсөлдөнө. Б.Мөнгөнтуул гавьяат ФИДЕ Гранд Свисс тэмцээнд дөрөвдүгээр байр эзлэн энэ жилийн гранприд оролцох эрхээ авсан байна.

Түүний хувьд тус тэмцээнд өмнө нь хоёр удаа оролцож байсан бөгөөд 6, 8 дугаар байрт орж байсан. Харин тус тэмцээнд хамгийн өндөр амжилт үзүүлсэн тамирчин нь Их мастер, гавьяат тамирчин Т.Батчимэг. Тэрбээр 2012-2013 оны цувралд тавдугаар байр эзэлж байлаа.