Монголын Сагсан бөмбөгийн холбооны 2024 оны шинэ улирлын Үндэсний Дээд лигийн тэмцээн үргэлжилж байна. Өчигдөр UG Arena-д үзэгчдийн хамгийн их хүсэн хүлээсэн тоглолт дээд лигийн аварга “Хасын хүлэгүүд” болон шинэ дүр төрхтэй болсон “SG Apes” багуудын хооронд боллоо. Энэ тоглолтод 65:55 харьцаагаар “Хасын Хүлэгүүд” өрсөлдөгчөө ялж, улирлын 6 дахь хожлоо байгуулав.

     Тоглолтын эхний хагас 35:25 буюу Хүлгүүдийн тэргүүллээр өндөрлөсөн. Завсарлагааны дараа “SG Apes” багаас тоглолтыг эргүүлэх болов уу гэж хүлээсэн ч аваргууд онооны тэргүүллээ хадгалж, төгсгөлөө сайн хийлээ. Харин уг тоглолтод хожигдсон “SG Apes” баг 3 хожил, 3 хожигдолтой хүснэгтийн тавдугаар байрт эрэмбэтэй байна.

Эрэгтэй багуудын тоглолтын хүснэгт

• Хасын хүлэгүүд 6:0
• “Дархан Юнайтед” 4:2
• BCH Knight 4:3
• INUT YES TLG 4:3
• “SG Apes” 3:3
• “Завхан Бродерс” 3:3
• “Сэлэнгэ Бодонгууд 3:4
• Налайх Бизон 3:5
• Бишрэлт Металл 2:4
• Эрдэнэт Майнерс 1:6