Боловсролын сайдын 2024 оны А/64 дүгээр тушаалын дагуу мэргэжлийн болон техникийн боловсролын сургалтын байгууллагад “Багшлах эрх”-ийн сургалт зохион байгуулах сургалтын байгууллагыг бүртгэж байна. Сургалтын байгууллага дараах шаардлагыг хангасан байна.

Үүнд: 

• Магадлан итгэмжлэгдсэн багш бэлтгэдэг дээд боловсролын сургалтын байгууллага байх
• Багшлах эрх олгох сургалтын хөтөлбөр нь Боловсролын судалгааны үндэсний хүрээлэнгийн дүгнэлттэй байх
• Сургалтын хөтөлбөрт хүүхдийн эрх, хамгаалал, суралцахуйн онол, арга зүй, мэргэжлийн болон техникийн боловсролын сургалтын хөтөлбөр, түүнийг хэрэгжүүлэх арга зүй, технологи, үнэлгээний агуулгыг тусгасан байх
• Сургалтын хөтөлбөрийг чадамжид суурилсан сургалтын арга зүйгээр боловсруулсан байх
• Багшлах бүрэлдэхүүний сургагч багш нар боловсролын сургалтын байгууллагад 10-аас доошгүй жил ажилласан туршлагатай, багш мэргэжилтэй байх.