Өнгөрсөн жил “Barbie” киногоороо дэлхийг шуугиулсан Австралийн жүжигчин Марго Робби амаржиж, хүүтэй болсон талаар People сэтгүүл мэдээлжээ.

Марго Робби, түүний нөхөр Том Акерли нар хүүтэй болсон талаараа хараахан албан ёсны мэдэгдэл хийгээгүй байгаа юм. Тиймээс Марго Робби хэзээ амаржсан болон тэднийг хүүдээ ямар нэг хайрласан талаарх мэдээлэл хараахан ил болоогүй байна.

Марго Роббиг жирэмсэн болсон талаарх мэдээлэл өнгөрсөн 7 дугаар сард л анх цацагдсан ба түүнээс хойш тэрээр зарим нэг арга хэмжээнд тулгар биетэй хэдий ч даашинзтай очиж оролцож байсан юм.

Мөн тэрээр “Barbie” киноны гол дүрийг бүтээснээсээ хойш кинонд ажлаагүй байгаа бөгөөд ирэх жилээс кино урлагтаа эргэн ирэхээр болсон байна.

Тэрээр Английн нэрт зохиолч Эмили Бронте-гийн “Аянгат даваа” зохиолоос сэдэвлэн бүтээж буй шинэ кинонд Кэтрин Эрншоу-н дүрийг бүтээж байгаа бол Хитклифф-ийн дүрд өнгөрсөн жил мөн багагүй шуугиан тарьсан “Saltburn” киноны гол дүрд тоглосон Австралийн жүжигчин Жэкоб Элорди тоглож байгаагаас гадна “Saltburn” киног найруулсан Английн уран бүтээлч Эмеральд Феннелл найруулагчаар нь байгаа ажээ.