Авлигатай тэмцэх газрын Урьдчилан сэргийлэх, соён гэгээрүүлэх хэлтэс 10 дугаар сарын 28-наас 11 дүгээр сарын 1-ний өдрүүдэд авлигын шалтгаан, нөхцөлийг арилгах чиглэлээр Зам, тээврийн яам, Аж үйлдвэр, эрдэс баялгийн яам, Эдийн засаг хөгжлийн яам, Байгаль орчин, уур амьсгалын өөрчлөлтийн яам, Батлан хамгаалахын яам, Нийгмийн эрүүл мэндийн үндэсний төв зэрэг байгууллагатай хамтран ажиллав.

Төрийн байгууллага, албан тушаалтнаас батлан гаргасан дүрэм, журмыг хянах чиг үүргийн хүрээнд Барилга, хот байгуулалтын яамны “Барилга байгууламжийн зураг төсөл боловсруулах, барилгын ажил гүйцэтгэх, барилгын материалын үйлдвэрлэл, өргөх байгууламж, түүний эд ангийн үйлдвэрлэл, угсралт, засвар үйлчилгээ эрхлэх хуулийн этгээдэд тусгай зөвшөөрөл олгох, үйлчилгээний хөлс тогтоох, тэдгээрт хяналт тавих журам”, Батлан хамгаалах яамны “Албан тушаалын орон сууцыг ашиглах журам”, Байгаль орчин, уур амьсгалын өөрчлөлтийн яамны “Хяналтын улсын байцаагчийн эрх олгох журам”, Санхүүгийн зохицуулах хорооны “Жолоочийн даатгалын хураамжийн хэмжээг тооцох итгэлцүүр хэрэглэх журам”, “Ипотекийн даатгалын журам”, “Үл хөдлөх эд хөрөнгө зуучлалын байгууллагын үйл ажиллагаа эрхлэх тусгай зөвшөөрөл, зөвшөөрөл, эрх олголт, бүртгэлийн журам”, “Тохиромжтой этгээдийг тодорхойлох журам”-ыг тус тус хянан үзэж, холбогдох зөвлөмж хүргүүлэв.