Дөрвөн жилд нэг удаа болдог “Memoriad World Mental Sports Olympics” (Memory, Mental Calculation and Speed Reading) буюу “Оюуны олимп”-ын хөзрийн төрөлд ой тогтоолтын хоёр удаагийн Дэлхийн Аварга, Олон Улсын Их Мастер Н.Мөнхшүр алтан медаль авч “Оюуны олимпын аварга” хэмээх их амжилтын эзэн боллоо.

Оюуны олимп өнөөдөр АНЭУ-ын Дубай хотод эхэлсэн. Ийнхүү Н.Мөнхшүр монголын багийн анхны медалийг авчирлаа. Уг тэмцээнд 35 улсаас өсвөр, насанд хүрэгчдийн ангилалд 12 төрлөөр 180 тамирчин өрсөлдөж буй юм.

Дашрамд дурдахад өнгөрсөн 15 жилийн хугацаанд Монгол Улсын баг тамирчид олон улсаас 140 цом, 1500 гаруй медаль хүртэж Гиннес, Дэлхийн олон дээд амжилтыг эзэмшиж байна.