Дархан-Сүхбаатар-Алтанбулаг чиглэлийн авто зам дагуу одоо бага зэргийн цас хаялж байна. Одоогоор зам даваа саадгүй байгааг “Сэлэнгэ АЗЗА” компани мэдээллээ. Тус компанийн ажилтнууд засмал зам дагуу үзлэг хийж байгаа аж.
Дархан-Сүхбаатар чиглэлийн авто замын 260-321 дэх км-ийн зорчих хэсэгт тогтсон цасыг шүүрдэж, цэвэрлэн, халтиргаа гулгаа үүссэн хэсэгт автомашинаар дайрга цацаж байна.