2025 онд Саудын Араб улсад болох Азийн аварга шалгаруулах тэмцээний урьдчилсан шатны тоглолтууд энэ сард болно. Манай улсын баг “С” хэсэгт Япон, Монгол, Гуамын шигшээ багуудтай өрсөлдөхөөр багтсан билээ.

Ийн Монгол Улсын үндэсний шигшээ баг арваннэгдүгээр сарын 21-нд Японы талбайд зочлон тоглоно. Тэгвэл уг тоглолтын бүх тасалбар зарагдаж дууссан бөгөөд тасалбарын хоёр дахь зах зээл дээр ч олдохгүй байгаа аж. Япон-Монголын тоглолт 5000 хүний багтаамжтай Японы Үцүномиягийн “Nikkan Arena Tochigi” цэнгэлдэхэд болох юм.

Японы шигшээ баг өнгөрсөн хоёрдугаар сард өөрсдийн талбай дээр Гуам болон Хятадын шигшээ багийг хожсон. Сонирхуулахад манай багтай тоглох Японы шигшээ багийн бүрэлдэхүүнд NBA-д тоглож байсан Юта Ватанабэ, Юки Тогаши, Жош Хокинсон нар багтсан.