Сүхбаатар аймгийн Түмэнцогт сумын Баянцагаан багийн Жавхлант гэдэг газар өчигдөр хээрийн түймэр гарсан байна. Түймрийн дуудлагыг 11-р сарын 17-ны өдрийн 15:25 цагт хүлээн авч, тус аймгийн Түмэнцогт сум дахь Эрэн хайх, аврах бүлэг, Мөнххаан сумын Мэргэжлийн анги очиж, уг түймрийг цурамд оруулан,  бүрэн унтраалаа. Урьдчилсан байдлаар хээрийн гал түймэрт 105 га талбай өртөж шатсан байна.