К-поп ертөнцийн эрин үеийн түүхийг бичилцсэн алдарт BIG BANG хамтлаг есөн жилийн дараа “МАМА 2024” хөгжмийн наадмын тайзан дээр гал асаалаа. Хамтлагийн ахлагч Жи Драгон, Тэяанг, Дэсан нарын гурвал “МАМА- 2024” шагнал гардуулах ёслолын тайзнаа “Fantastic baby”,”Bang Bang Bang” дуугаа дуулсан юм. Тэднийг үзүүлбэрээ үзүүлсний дараа хөгжмийн наадмын хөтлөгч Ким Тэ Ри “Одоо л жинхэнэ хөгжмийн наадам шиг санагдаж байна” хэмээн сэтгэл хөдлөлөө илэрхийлсэн юм.

“BIG BANG” хамтлагийн үзүүлбэр тэднийг К-поп ертөнцөд өөрийн байр сууриа алдаагүй байгааг нотоллоо гэж хөгжмийн салбарын шүүмжлэгчид онцолж байна. Түүнчлэн Жи Драгон, Дэсан, Тэяанг нар “Bang Bang Bang” болон “Fantastic Baby”- дуугаа дуулахдаа T.O.P-ийн хэсгийг дуулаагүй нь түүнийг эргэн ирэх байх гэсэн итгэл найдвар байгааг илтгэсэн юм.