11-р сарын 26-ны 08:00 цагаас 27-ны 08:00 цагийн хооронд баруун, төв, говь, зүүн аймгуудын нутгийн зүүн хэсгээр 0-5.2 мм цас оров. Үүнээс хоногийн нийлбэрээр хамгийн их нь Төв аймгийн Жаргалантад 5.2 мм, Дарханы Шаазгайтад 3.3 мм, Сэлэнгийн Баруунхараа, Дархан, Төв аймгийн Баянчандмань, Батсүмбэрт 3 мм, бусад нутгаар 0-2.4 мм цас бороо орлоо.

Төв, Сэлэнгийн нутгаар цасны зузаан 5 см хүртэл нэмэгдэж, Баян-Өлгий, Хөвсгөлийн баруун болон өмнөд, Архангай, Дундговийн баруун, Увс, Ховд, Говь-Алтай, Завхан, Баянхонгор, Өвөрхангай, Булган, Өмнөговь, Дорноговийн зарим газар, Төв, Сэлэнгэ, Хэнтий, Дорнод, Сүхбаатар, Дорнодын ихэнх нутгаар 0-16 см цасан бүрхүүл тогтсон байна. Үүнээс хамгийн их нь Ховдын Дарви, Баянхонгорын Гурванбулагт 16 см, Баянхонгорын Баянговь, Хэнтийн Баян-Адрагад 12 см, Баян-Өлгийн Сагсай, Баянхонгорын, Баядрагт 11 см, Баянхонгорын Баянбулаг, Өвөрхангайн Богд, Булганы Бүрэгхангай, Завханы Цагаанчулуутад 10 см, бусад хэсгээр 0-9 см зузаан цасан бүрхүүл тогтсон байна.