Өнөөдөр Үндэсний дээд лигийн эрэгтэй багуудаас амжилтын хүснэгтийг 10 хожилтойгоор тэргүүлж буй, 2023 оны лигийн аварга Хасын Хүлэгүүд хүснэгтийн есдүгээр байрт эрэмбэтэй буй “Налайх Бизон”-той ээлжит тоглолтоо хийнэ.

 Сагсан бөмбөгийн од, тэргүүн туршлагатай тамирчид болох ОУХМ Б.Билгүүн, Т.Санчир нар хоорондоо халз тулах юм. Налайх Бизон “Хүлэгүүд”-ийг хожиж, тэдний хожлын цувралыг зогсоож чадах уу? Эсвэл “Хасын Хүлэгүүд” ээлжит хожлоо авах уу?

   Бизонд “Эрдэнэт Майнерс” багт байсан лигийн аварга, ахмад туршлагатай тоглогч П.Болортулга нэгдсэн. Мөн түүнээс гадна “SG Apes” багтай гэрээ үзэглэх гэж байгаад цуцлагдсан Кайри Уокэр (Kyrie Walker) болон хүчирхэг Жастин Мосс нар (Justin Moss) нэгдсэн билээ. Ийн тэсрэлттэй, ур чадвар, туршлагатай тоглогчдоор хүчээ зузаатгасан Налайх Бизон аваргуудын эсрэг тоглоход бэлэн болоод байна. Тэд одоогийн байдлаар 3 хожил, 7 хожигдолтой яваа.

Хүч нэмсэн Бизон ялах уу, аваргаа хамгаалагч Хүлэгүүд хожих уу. Хоёр багийн тоглолт өнөөдөр орой 19:30 минутаас “UG Arena” талбайд болно.