Мягмар гаригт АНУ-ын Нью-Йорк хотноо 2024 оны Gotham Awards шагнал гардуулах ёслолын арга хэмжээ зохион байгуулагдаж, кино урлагийн салбарын энэ оны шилдгүүдийг тодрууллаа. Gotham хэмээх уг шагналыг инди төрлийн кинонуудад буюу томоохон кино компани, студиэс хараат бус уран бүтээлчдийн бүтээлүүдийг өрсөлдүүлж олгодог ажээ. Мөн цар хүрээний хувьд том шагнал гардуулах ёслол биш хэдий ч ирэх жилийн Алтан бөмбөрцөг, Оскар зэрэг томоохон наадмын шагналтууд Gotham шагналыг хүртэж байсан түүх бий. Хүйсийн ангилал байдаггүй цөөн шагналуудын нэг болох Gotham Awards-ын энэ жилийн наадмын шагналуудыг дандаа эрэгтэй уран бүтээлчид хүртсэнээрээ онцлогтой байлаа.

Ингээд энэ жилийн шагналтнуудыг танилцуулья:

• Шилдэг кино – “A Different Man” кино
• Шилдэг гол дүрийн жүжигчин – Колман Доминго (“Sing Sing” киноны гол дүр)
• Шилдэг туслах дүрийн жүжигчин – Кларенс Маслин (“Sing Sing”киноны туслах дүр)
• Шилдэг найруулагч – Рамелл Росс (“Nickel Boys” киноны найруулагч)
• Шилдэг олон улсын кино – “All We Imagine as Light”
• Шилдэг баримтат кино – “No Other Land” баримтат кино
• Шилдэг кино – “His Three Daughters” кино
• Шилдэг шинэ залуу найруулагч – Вера Дрю (“The People’s Joker” киноны найруулагч)
• Шилдэг шинэ залуу жүжигчин – Брэндон Уилсон (“Nickel Boys” киноны дүрээрээ)

Түүнчлэн энэ жилийн Gotham Awards наадмын хүндэтгэлийн шагналуудыг найруулагч Денни Вилленьёв, жүжигчин Тимоти Шаламе, Зендеяа, Анжелина Жоли нарт гардуулсан байна. 

Кино урлагийн салбарын дараагийн нэгэн томоохон арга болох ирэх жилийн “Алтан Бөмбөрцөг” шагналд нэр дэвшигчдийг зарлах арга хэмжээ ирэх даваа гаригт (12 сарын 9) зохиогдох болно.