ӨВЛИЙН ДУНД УЛААН ХУЛГАНА САРЫН ТАВАН ШАР ХАР БАР ӨДӨР

• Үс засуулвал: Эд мал баялаг төгөлдөр болно.
• Наран ургах, шингэх: 08.24-17.00
• Барилдлага: Рашаан   
• Шүтэн барилдлага: Хуран үйлдэхүй   
• Суудал: Төмөр

Аргын тооллын 12 сарын 4, Буд гараг. Билгийн тооллын 3, Суулга одтой, хар бар өдөр. Өдрийн наран мандах, жаргах цаг нь 8:24-17:00. Тухайн өдөр нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, сүм дуганыг сэргээх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Гөлөг тэжээх, золиг гаргах, бомбын үйл, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал эд малтай баялаг төгс болно.