Apple Music дуу хөгжмийн стрийминг үйлчилгээний зүгээс 2024 оны шилдэг уран бүтээлүүдийг энэ долоо хоногт зарлан танилцуулаад байна. “Apple Music Replay 2024” хэмээх энэ жилийн шилдгүүдийн жагсаалтад эмэгтэй уран бүтээлчид, тэдний уран бүтээлүүд толгой цохижээ. Apple Music-ийн зүгээс онцолсноор энэ оны шилдэг 39 дуу эмэгтэй уран бүтээлчдийн дуу байсан байна. Дуучин Тэйлор Свифт, Сабрина Карпентер, Шаппелл Роан, Билли Айлиш гээд олон эмэгтэй уран бүтээлчид жагсаалтыг тэргүүлсэн бол Apple Music-ийн 2024 онд хамгийн олон удаа тоглогдсон дуугаар өнгөрсөн зун Drake-тэй “дисс”-лэлцсэн Kendrick Lamar-ын “Not Like Us” дуу тодорчээ. Drake-ийн зүгээс энэ дууг хиймлээр буюу зохиомлоор сонссон тоо хэмжээг нь нэмэгдүүлсэн хэмээн Universal Music-ийн эсрэг Нью-Йорк хотын шүүхэд гомдол гаргасан талаар бид өмнө мэдээлж байсан билээ. Ингээд Apple Music-ээс жил бүрийн эцсээр гарган танилцуулдаг “Apple Music Replay” жагсаалтыг энэ жил ямар уран бүтээлч, ямар дуу хөгжим тэргүүлснийг доох хүргэе:

-Apple Music-ийн 2024 оны шилдэг дуу

• Kendrick Lamar – Not Like Us
• Benson Boone – Beautiful Things
• Sabrina Carpenter – Espresso

-Apple Music-ийн 2024 оны шилдэг цомог дуу

• Taylor Swift “The Tortured Poets Department: The Anthology”

-Apple Music-ийн 2024 оны шилдэг уран бүтээлч

• Billie Eilish

-Shazam Global-ийн шилдэг дуу

• Benson Boone – Beautiful Things
• Teddy Swims – Lose Control
• FloyyMenor & Cris Mj – Gata Only

-Apple Music-ийн хамгийн их шүлгийг нь уншсан дуу

• Creepy Nuts – Bling-Bang-Bang-Born
• Kendrick Lamar – Not Like Us
• Sabrina Carpenter – Espresso

-Apple Music-ийн радиогоор хамгийн их тоглогдсон дуу

• Dua Lipa – Houdini
• Teddy Swims – Lose Control
• Tate McRae – greedy

Хэрвээ та Apple Music-ийн хэрэглэгч бол энэ жил тус аппликейшнээр өөрийнхөө хамгийн их сонссон дуу хөгжим, уран бүтээлчийн жагсаалтыг мөн үүсгэх боломжтой бөгөөд энэхүү нэмэлт тохиргоо нь дэлхийн 169 орны хэрэглэгчдэд нээллтэй, 39 хэл дээр ашиглах боломжтой байгаа юм.