2025 оны эхээр зохион байгуулагдах 82 дахь удаагийн “Алтан бөмбөрцөг” шагналд нэр дэвшигчдийг даваа гаригт албан ёсоор зарлан танилцуулсан байна.
АНУ-ын Беверли Хиллс хотын Беверли Хилтон зочид буудлын хурлын танхимд зохиогдсон арга хэмжээний үеэр жүжигчин Миндиа Каллинг, Моррис Честнат нар ирэх жилийн наадмын 27 төрөлд нэр дэвшиж байгаа уран бүтээл болон уран бүтээлчдийг танилцуулжээ. Телевиз болон дэлгэцийн шилдэг уран бүтээлүүдийг шалгаруулдаг “Алтан бөмбөрцөг” наадмыг 1944 оноос анх зохион байгуулж ирсэн бөгөөд Америкийн телевиз/кино урлагийн салбар, энтертайнмент ертөнцийн томоохон арга хэмжээний нэгд тооцогддог юм. 2025 оны “Алтан бөмбөрцөг” шагнал гардуулах ёслолын үйл ажиллагааг Dick Clark Productions зохион байгуулж, олон удаагийн “Эмми”-гийн шагналт продюсер Гленн Вайсс, Рики Киршнер нар шууд дамжуулалтын гүйцэтгэх продюсерээр ажиллахаар болжээ.
Ингээд ирэх жилийн наадмын гол шагналуудад нэр дэвшигчдийг танилцуулья:
Шилдэг уран сайхны кино – драм:
- The Brutalist
- A Complete Unknown
- Conclave
- Dune: Part Two
- Nickel Boys
- September 5
Шилдэг уран сайхны кино – мьюзикл, инээдэм:
- Anora
- Challengers
- Emilia Pérez
- A Real Pain
- The Substance
- Wicked
Шилдэг уран сайхны кино – анимейшн:
- Flow
- Inside Out 2
- Memoir of a Snail
- Moana 2
- Wallace & Gromit: Vengeance Most Fowl
- The Wild Robot
Шилдэг эмэгтэй жүжигчин:
- Памела Андерсон (The Last Showgirl)
- Анжелина Жоли (Maria)
- Николь Кидман (Babygirl)
- Тильда Свинтон (The Room Next Door)
- Фернанда Торрес (I’m Still Here)
- Кэйт Уинслет (Lee)
Шилдэг эрэгтэй жүжигчин:
- Эдриен Броди (The Brutalist)
- Тимоти Шаламе (A Complete Unknown)
- Дэниел Крейг (Queer)
- Колман Доминго (Sing Sing)
- Ральф Файнс (Conclave)
- Себастьян Стэн (The Apprentice)
Шилдэг телевизийн цуврал – драм:
- The Day of the Jackal (Peacock)
- The Diplomat (Netflix)
- Mr. & Mrs. Smith (Prime Video)
- Shōgun (FX/Hulu)
- Slow Horses (Apple TV+)
- Squid Game (Netflix)
Шилдэг телевизийн цуврал – мьюзикл, инээдэм:
- Abbott Elementary (ABC)
- The Bear (FX/Hulu)
- The Gentlemen (Netflix)
- Hacks (HBO | Max)
- Nobody Wants This (Netflix)
- Only Murders in the Building (Hulu)
Дуучин Селена Гомезын гол дүрд нь тоглосон “Emilia Pérez” кино хамгийн олон буюу 10 төрөлд нэр дэвшсэн уран сайхны киногоор тодорсон бол “The Bear” цуврал хамгийн олон буюу 5 төрөлд нэр дэвшсэн телевизийн цувралаар тодорсон байна. Харин Netflix платформ уран сайхны киноны 13 төрөлд, телевизийн бүтээлийн 23 төрөлд нэр дэвшсэнээрээ кино, телевизийн хамгийн олон төрөлд бүтээлүүд нь өрсөлдөж байгаа кино компаниар тодорчээ.
82 дах удаагийн “Алтан бөмбөрцөг” шагнал гардуулах ёслолын арга хэмжээ 2025 оны 1 сарын 5-нд зохион байгуулагдах бөгөөд CBS телевиз болон Paramount+ платформоор АНУ-аас гадна дэлхийн 185 улс оронд шууд дамжуулахаар болсон байна. Харин шагнал гардуулах ёслолын хөтлөгчөөр комедиан бүсгүй Никки Глэйзер сонгогдсон билээ.