Хайр дурлалыг эрэлд гарсан ганц бие залуус арал дээр хэрхэн амьдарч бас хайрынхаа төлөө тэмцэж буйг харуулдаг “Single’s Inferno” цувралын дөрөвдүгээр улирал ирэх оны нэгдүгээр сарын 14-нд цацагдаж эхлэх нь ээ. Өмнө улирлын сонин хачин хуучирч амжаагүй байхад шинэ улирлын шинэ түүхүүд эргэн ирсэн нь шоуг хүсэн хүлээдэг үзэгчдийн сонирхлыг улам татаад буй.

“Single’s Inferno” шоу өмнөх улирлуудын адилаар ганц бие залуус хязгаарлагдмал нөөцөөр амьдрах ба тамаас зугтах цорын ганц арга зам бол хосоо олж “диваажин” уруу хамт явах юм. “Диваажин”-д хосууд бие биеэ илүү таньж мэдэх боломжтой болов ч дүрэм гэнэт өөрчлөгдөж огцом эргэлтүүд булан бүрийн ард нуугдаж байгааг шоуны продюсерууд онцолж байна.

“Single’s Inferno” бол дөрөв дэх улиралдаа шинэчлэгдэж буй Netflix-ийн анхны Солонгос цуврал юм. Продюсер Ким Жэ Вон “Бид гуравдугаар улирлын талаарх фенүүдийн санал хүсэлтийг эерэг болон сөрөг талаас нь анхаарсан, дөрөвдүгээр улирал танд илүү сонирхолтой байх болно.” гэж мэдэгджээ