1990 онд нээлтээ хийснээс хойш зул сарын баярын хамгийн сонгодог кинонуудын жагсаалтыг тэргүүлсээр байгаа “Гэртээ ганцаараа” урансайхны киноны жүжигчид 34 жилийн хэрхэн өөрчлөгдсөнийг уншигч танд танилцуулж байна.

1989 онд “Бак авга” кинонд тоглосон сэргэлэн, цэнхэр нүдтэй хүү дараа жил нь “Гэртээ ганцаараа” кинонд тоглож ердөө нэг шөнийн дотор од болон хувирсан юм.

Маколей Калкин өдгөө “Bunny Ears” вэбсайтын гүйцэтгэх захирал, нийтлэгч бөгөөд “Bunny Ears” подкастын хөтлөгчөөр ажиллаж байна. 2021 онд тэрээр American Horror Story-ийн 10-р улиралд тоглож, 2023 оны 12-р сард Холливудын алдрын гудамжинд өөрийн нэр бүхий одтой болсон билээ.

Жо Песчи бол холливудын ертөнцөд гэмт хэрэгтний дүрээрээ танигдсан нэгэн. Тэрбээр “Гэртээ ганцаараа” “Гэртээ ганцаараа 2: Нью-Йоркт төөрсөн” кинонд дээрэмчин Харригийн дүрийг бүтээжээ. Песчи жүжиглэхээс гадна хөгжмийн урлагт хөл тавьсан бөгөөд 2019 онд дууны цомгоо гаргасан байна.

Дэниел Стернийн дүр бол энэ киноны хамгийн бүтэлгүй эрийн дүр байсан ч кино нээлтээ хийснээс хойш хэдэн арван жилийн хугацаанд тэрбээр Холливудад өөрийн байр сууриа бататгаж чадсан юм.

Кэтрин О’Хара 1980-аад оны турш хэд хэдэн киноны туслах дүр бүтээж Холливудын ертөнцөд хэдийнээ танигдаж чаджээ. Тэрбээр одоо ч жүжигчнээрээ ажиллаж байгаа бөгөөд 2020 онд “Эмми” авардсаас шилдэг гол дүрийн жүжигчин шагналыг хүртсэн байна

Жон Херд том, жижиг дэлгэцийн 200 гаруй кинонд тоглосон нэр хүндтэй жүжигчин бөгөөд 2017 онд 71 насандаа нас барсан байна.

Девин Рэтрей бол Кевиний харгис ах Баззын дүрээрээ алдартай ч “Гэртээ ганцаараа” киноноос хойш хэдэн арван жилийн турш туслах дүрээр жүжигчний карьераа үргэлжлүүлсээр байна.