Монгол Улсын Төв банк хараат бусаар Засгийн газартай хамтран ажилласнаар инфляцын эсрэг тэмцэлд ялж, эдийн засгийн тогтвортой өсөлт хадгалж чадна хэмээн ОУВС зөвлөж байна.

Тодруулбал, Монголбанк цаашид хараат бус байдлаа нэмэгдүүлэхэд анхаарч, эрх зүйн шинэчлэл хийхээр төлөвлөж байгаагаа мэдээллээ. Төв банкны үйл ажиллагааны бие даасан байдал хангалтгүй, төсвөөс мөнгөний бодлогод үзүүлж буй нөлөө өндөр байдаг нь Монголын өнөөгийн тогтолцооны сул тал болохыг олон улсын байгууллага, эдийн засагчид хэлдэг.
Монголбанк цаашид хараат бус байдлаа нэмэгдүүлэхэд анхаарч, эрх зүйн шинэчлэл хийхээр төлөвлөж байгаагаа мэдээллээ.

Зарим улс орон Үндсэн хуульдаа Төрийн байгууллын хэсэгт нь Төв банкийг тусгаж өгсөн байдаг бол Монгол Улсын одоо хүчин төгөлдөр мөрдөгдөж буй хуульд ийм заалт байхгүй аж. Үндсэн хуульдаа Төв банкны эрх мэдэл, үүргийг тусгаж өгснөөр мөнгөний бодлогыг улсын нийтлэг эрх ашигт нийцсэн, хараат бус байдлаар хэрэгжүүлэх эрх зүйн орчин бүрдэнэ гэж судлаачид үзэж байна.