“Шар гэгээ” кино Австралийн Перт хотод зохион байгуулагддаг “International Multicultural Film Festival”-аас “The best feature drama” шагнал хүртжээ. 

Энэхүү шагнал нь тухайн наадамд оролцсон бүрэн хэмжээний кинонуудаас хамгийн шилдгийг тодруулдаг шагнал аж.

Наадмын гол зорилго нь олон үндэстэн, соёлын өв, түүх, амьдралын хэв маягийг харуулсан бүтээлүүдийг дэмждэг юм.

Найруулагч Б.Батдэлгэр Төрийн шагналт, Соёлын гавьяат зүтгэлтэн Ш.Гүрбазарын зохиолоос сэдэвлэн энэхүү киног бүтээсэн. Уг кино 15 дахь удаагийн “Улаанбаатар” олон улсын кино наадмын шилдэг гурван төрөлд шалгарч тэргүүлж байсан билээ. Тодруулбал, “Шилдэг кино зохиол”  “Шилдэг туслах эмэгтэй дүр” “Шилдэг хөгжмийн зохиол” гэсэн гурван төрөлд шалгарч, Хангарьд цомын эзэн болсон юм.