“Wonder Woman” буюу төмөр эмэгтэйн дүрээр бидний танил болсон жүжигчин Гал Гадот инстаграм хуудсандаа өөрт тулгарсан хүнд зүйлийнхээ талаар хуваалцлаа. Гадот найман сартай жирэмсэн байхдаа тархиндаа их хэмжээний цусны бүлэгнэлтэй гэх оношийг хүлээн авчээ. Тэрээр яаралтай мэс засал хийлгэхээс өмнө дөрөв дэх хүүхдээ төрүүлсэн байна.

Гадот “хэдэн долоо хоногийн турш би тэвчихийн аргагүй толгойн өвдөлтийг тэвчиж, эцэст нь MRI-д орж аймшигтай үнэнийг мэдсэн. Ганцхан агшинд манай гэр бүл амьдрал ямар хэврэг байдгийг мэдэрсэн. Миний охин Ори тодорхойгүй, айдастай мөчид төрсөн” хэмээн нийтлэлдээ дурджээ.

Тэдний гэр бүл охиндоо Ори хэмээн нэр өгчээ. Энэ нь Еврей хэлээр “Миний гэрэл” гэсэн утгатай бөгөөд нэрийг санамсаргүй сонгоогүй гэв.

Түүний хувьд Лос-Анжелесийн Сидарс Синай эмнэлгийн төвийн эмч нарын багт талархал илэрхийлж, тэдний ачаар өвчнөө даван туулж, эдгэрч буйгаа мөн онцолсон байна.

30-аас дээш насны 100,000 жирэмсэн эмэгтэйн гуравт нь CVT (тархинд цусны өтгөрөлт үүсдэг) ​​гэж оношлогддог гэдгийг би төсөөлөөгүй. Үүнийг эмчлэх боломжтой тул эрт илрүүлэх нь маш чухал. Хэдий ховор боловч үүнийг хуваалцах нь хэн нэгнийг айлгах биш, харин хүчирхэгжүүлэх зорилготой юм. Хэрэв нэг хүн ч гэсэн энэ түүхээс болж эрүүл мэндийнхээ төлөө арга хэмжээ авахаас өөр аргагүйд хүрвэл хуваалцах нь зүйтэй байх” хэмээжээ.

Гал Гадот нөхөр Жарон Варсанотой 2008 онд гэрлэснээс хойш 2011 онд Алма, 2017 онд Майя, 2021 онд Даниелла, өнгөрсөн гуравдугаар сард Ори нэртэй охинтой болсон билээ.