Хууль зүй, дотоод хэргийн сайдын санаачилгаар орон нутагт ажиллаж, амьдарч буй харьяа агентлаг, байгууллагуудын ажилтан, алба хаагчид тэдний гэр бүлд зориулсан “Хамгийн чухал нь” уриатай эрүүл мэндийн эрт илрүүлэг, тандалт, эрүүл мэндийн боловсрол олгох зорилтот үйл ажиллагааг 2024 оны 11 дүгээр сараас эхлүүлсэн.

Уг үйл ажиллагааны 2 дугаар ээлж Хил хамгаалах ерөнхий газартай хамтран Хөвсгөл-Булган-Орхон аймгуудад ажиллаж, эрүүл мэндийн тусламж үйлчилгээг үзүүлэхээр өнөөдөр эмнэлгээс хөдөллөө.