Цаг уур орчны шинжилгээний газрын мэдээгээр Монгол орны ихэнх гол мөрний мөсний зузаан тогтвортой нэмэгдэж байгаа хэдий ч өнгөрөгч оны мөн энэ үеийнхээс 5-45 сантиметрээр бага зарим голуудад харз, халиа дошин гүйсний улмаас мөс нимгэрэх үзэгдэл гарч байгааг албаныхан мэдээллээ. Тодруулбал , Хүдэр, Сэлэнгэ зэрэг голуудын мөсний зузаан өмнөх 10 хоногоос 5-10 сантиметрээр нимгэрчээ. Иймд нуурын толио болон голын нийт уртын дагууд мөсний зузаан хангалттай хэмжээнд бэхжээгүй байгаа тул зам товчлох байдлаар мөсөн дээгүүр явахгүй байхыг анхаарууллаа.