ODDATELIER Entertainment-аас нэгдүгээр сарын 22-нд Женнигийн “Ruby” цомог 3 дугаар сарын 7-нд худалдаанд гарна гэж мэдээллээ. Энэ цомогт 2024 оны 10 дугаар сард гарсан “Mantra” сингл зэрэг нийт 15 дуу багтах бөгөөд энэ нь Женнигийн хязгааргүй хөгжмийн мэдрэмжийг агуулсан гэж мэдэгдлээ.

“Ruby” цомогт Childish Gambino, Doechii, Dominic Fike, Dua Lipa, FKJ, Kali Uchis зэрэг дэлхийд алдартай уран бүтээлчидтэй хамтран ажиллажээ.

Женни “Mantra” дуугаараа АНУ, Бразил, Сингапур, Филиппин, Мексик зэрэг 47 улс орон, бүс нутагт iTunes-ийн шилдэг дуунуудын жагсаалтыг тэргүүлсэн. Мөн Billboard Hot 100-д ​​хоёр долоо хоног дараалан орж, АНУ-ын iTunes-ийн шилдэг дуунуудын жагсаалтын 1-р байрыг эзэлсэн анхны К-поп эмэгтэй гоцлол дуучин болсон юм.

Дэлхийн өнцөг булан бүрт байгаа шүтэн бишрэгчид “Ruby” цомгийг догдлон хүлээж байна. Нэмж дурдахад, Женни Калифорниа мужийн Индио хотод 4-р сарын 13, 20-нд болох алдарт Коачелла хөндийн хөгжмийн наадамд гоцлол дуучнаар оролцохоо мэдэгдээд байна.