Жүжигчин Хан Со Хи ирэх зургаадугаар сараас эхлэн дэлхийг тойрсон фен уулзалтаа хийхээр төлөвлөжээ. Түүний харьяалагддаг агентлаг болох 9ato Entertainment-ийн мэдээлснээр, фен уулзалт нь Ази тивээс эхэлж, Европ, Америкт үргэлжлэх бөгөөд энэ нь жүжигчин бүсгүйд дэлхий даяарх шүтэн бишрэгчидтэйгээ холбогдох уулзах боломжийг олгоно.

Анхны фен уулзалтаа хийх гэж буй жүжигчин Хан Со Хи өөрийнхөө шинэ талуудыг харуулж, олон төрлийн контентыг хийхээр төлөвлөж байгаа нь шүтэн бишрэгчдэд нь мартагдашгүй дурсамж үлдээх болно гэж мэдэгдлээ. 9ato Entertainment-ийн төлөөлөгч хэлэхдээ “Энэхүү фен уулзалтын аялал Токио, Тайпей, Бангкок, Жакарта, Парис, Лондон, Берлин, Лос Анжелес, Нью-Йорк зэрэг хотуудад болно. Бид Хан Со Хи-г олон жилийн турш дэмжиж байсан шүтэн бишрэгчдэдээ талархал илэрхийлэхийн тулд хичээнгүйлэн бэлдэж байна.” гэжээ.

2017 онд ‘Reunited Worlds’ драмд тоглосноос хойш Хан Со Хи ‘The World of the Married’, ‘My Name’, ‘Soundtrack #1’ зэрэг драмад тоглож гайхалтай амжилтын эзэн болсон байна. Жүжигчин бүсгүй одоогоор ‘Project Y’ киноны зураг авалтад оролцож байна.