BTS хамтлагийн гишүүн Ж-Хоуп Францын тэргүүн хатагтай Брижит Макроны урилгаар эмнэлэгт хэвтэн эмчлүүлж буй хүүхэд, өсвөр үеийнхэнд хандив цуглуулах зорилготой сайн үйлсийн арга хэмжээнд оролцож, өөрийн үзүүлбэрээ толилуулжээ.

Тэргүүн хатагтайн тэргүүлдэг эмнэлгийн сангаас зохион байгуулсан энэхүү арга хэмжээ нь Парисын баруун захын Нантерр дахь 35,000 хүний багтаамжтай Ла Дефэнс Аренад болжээ. Ж-Хоупын шүтэн бишрэгчид нь түүнийг тайзан дээр гарахаас өмнө нэрийг нь дуудаж, халуун уур амьсгал бүрдүүлсэн байна.

Ж-Хоуп цэргийн албан хааснаас хойш хоёр жилийн дараа ийн эргэн ирж, үзүүлбэрээ толилуулав. Тэрээр “Гудамж дахь найдвар 1” тусгай цомогт багтсан “on street (solo хувилбар)”, “Jack In The Box” анхны бие даасан цомгийнхоо “More” болон BTS-ийн “MIC Drop” дууг дуулсан байна.  

Тус сайн үйлсийн хандивын арга хэмжээний тасалбар худалдаанд гарснаас хойш 10 минутын дотор борлогдож дууссан бөгөөд Ж-Хоуп-аас гадна олон улсын бусад уран бүтээлчид ч мөн адил үзүүлбэрээ толилуулжээ.