Засгийн газрын ээлжит хуралдаанаар аймаг сум, орон нутгийн хэмжээнд соёл, урлаг, спортын арга хэмжээг зохион байгуулах бүх эрх мэдлийг орон нутагт шилжүүлэх шийдвэр гаргажээ. Тодруулж хэлбэл нийгэмд талцал үүсгээд буй хаврын морин уралдаан зохион байгуулах эрхийг орон нутгийн ИТХ шийдэхээр болж байна. Тэгвэл засгийн газрын эл шийдвэртэй УИХ-ын зарим гишүүд санал нэгдэхгүй байгаагаа цахим орчинд илэрхийлээд байна. Тухайлбал УИХ-ын гишүүн Х.Баасанжаргал “Хүмүүс тавалж их бичиж байх шив. Дахиад шүүхдэнэ, одоо гурван сард ч уралдаан чинь болохгүй” хэмээн бухимдлаа илэрхийлжээ.