2025 он гарсны дараахан богино хугацааны дотор томоохон газар нутгийг хамран асч, асар их хэмжээний хохирол учруулсан Лос Анжелесын ой хээрийн түймрийн хохирлыг барагдуулах зорилго бүхий “FireAid” хэмээх хандивын тоглолт өнгөрсөн долоо хоногийн баасан гарагт Лос Анжелес хотын Kia Forum болон Intuit Dome хэмээх хоёр том цогцолборт нэгэн зэрэг зохион байгуулагдаж, Америкийн поп дуучид, рок хөгжмийн домог болсон хамтлаг уран бүтээлчид оролцлоо.
5 цаг гаруй үргэлжилсэн “FireAid” хандивын тоглолтод 20 гаруй хамтлаг, дуучид оролцсон бөгөөд хоёр том тоглолтын цогцолборт нэгэн зэрэг явагдсан тоглолтыг цахимаар шууд дамжуулан хүргэсэн байна. Хандивын тоглолтын дарааллыг доор хүргэе:
- Green Day хамтлаг дуучин Billie Eilish-ийн хамт
- Дуучин Alanis Morissette
- Дуучин Anderson.Paak, The Free Nationals хамтлаг, реппер Dr. Dre
- Дуучин Joni Mitchell
- Дуучин Dawes
- Дуучин P!nk
- Дуучин Сэр Rod Stewart
- Дуучин John Mayer
- Earth, Wind & Fire хамтлаг
- The Black Crowes хамтлаг
- Дуучин Gracie Abrams, Aaron Dessner
- No Doubt хамтлаг
- Дуучин Tate McRae
- Дуучин Jelly Roll, бөмбөрчин Tavis Barker
- Дуучин Stevie Nicks
- Дуучин Katy Perry
- Nirvana хамтлаг эргэн нэгдэж, дуучин St.Vincent, Joan Jett, Kim Gordon, Violet Grohl нартай 4 дуу хамтран тоглосон
- Реппер Lil Baby
- Red Hot Chili Peppers хамтлаг
- Дуучин Olivia Rodrigo
- Дуучин Sting
- Дуучин, реппер Peso Pluma
- Дуучин Billie Eilish, Finneas нар
- Дуучин Stevie Wonder
- Дуучин Lady Gaga
Тоглолтын эхэн үеэр Ирландын U2 хамтлаг 1 сая ам.доллар хандивлалаа хэмээн мэдээлж, мөн том дэлгэцэн дээр гал сөнөөгчид болон ой хээрийн түймрийн учруулсын зураг бичлэгийг гарган үзүүлж байсан бөгөөд тоглолтын дундуур үзэгчид FireAidLA.org гэсэн вебсайтаар дамжуулан хандив өгөх боломжтой байжээ.
Өнгөрсөн сарын эхээр асч эхэлсэн Лос Анжелесын ой хээрийн түймрийн улмаас 29 хүн амиа алдаж, 16000 гаруй хувийн эзэмшлийн болон аж ахуй нэгжийн байшин, барилга шатаж сүйдсэн бөгөөд 250 тэрбум гаруй ам.долларын хохирол учруулсан гэж урьдчилсан байдлаар үзэж байгаа юм. “FireAid” тоглолтын үеэр цугларсан хандивыг галд нэрвэгдсэн бүс нутгийн сэргээн босголтод болон ой хээрийн түймрээс урьдчилан сэргийлэх үйлсэд зориулах ажээ.