Тайваний жүжигчин Barbie Hsu цагаан сарын баярын үеэр томуу туссаны улмаас 48 насандаа уушгины хатгалгаа өвчнөөр нас барсныг түүний төрсөн дүү нь даваа гарагт төлөөлөгчөөрөө дамжуулан мэдээллээ. Талийгаачийн дүү ток шоуны хөтлөгч Ди Ху төлөөлөгчөөрөө дамжуулан “Манай гэр бүл Японд аялахаар ирсэн бөгөөд миний хамгийн хайртай, сайхан сэтгэлт эгч минь томуугийн улмаас уушгины хатгалгаа өвчнөөр нас барж, харамсалтайгаар биднийг орхилоо. Би энэ амьдралдаа түүний дүү нь болж, бие биедээ анхаарал тавьж, цагийг өнгөрөөж байсандаа талархаж байна” гэсэн байна.

Жүжигчин Barbie Hsu 10, 8 настай хоёр охин, нөхрийн хамт амьдарч байжээ.Тэрбээр “Солирын од” олон ангит кинонд тоглож олон нийтэд танигдаж байсан юм.