К-поп ертөнцийн охидын алдарт хамтлаг BLACKPINK энэ жил дэлхийг тойрон аялан тоглолтоо хийнэ гэж YG Entertainment агентлаг пүрэв гарагт зарлалаа. Тус агентлаг албан ёсны блог дээрээ удахгүй болох аялан тоглолтын тизер видеоны хамт энэ тухай мэдэгдэв.

Энэ нь тус хамтлагийн 2022-2023 оны “Born Pink” аялан тоглолтоос хойш нэг жил таван сарын дараа дэлхийг тойрч буй аялан тоглолт юм. YG энтертайнмент энэхүү тоглолтын талаар дэлгэрэнгүй мэдээлэл өгөөгүй бөгөөд маршрут тоглолтын огноо зэрэг мэдээлэл одоохондоо нууц байх нь ээ. Хамтлагийн өмнөх аялан тоглолт дэлхийн 34 хотод 1.8 сая орчим шүтэн бишрэгчдийг хамарсан К-поп охидын хамтлагийн дэлхийн хамгийн том аялан тоглолт болсон юм.