Архангай аймгийн Цахир, Тариат сумын боловсролын байгууллагуудын ариун цэврийн байгууламжийг “Жаклин” ХХК барьжээ. Тариат сумын ерөнхий боловсролын сургууль, дотуур байрны сурагчид боловсон жорлонгоо ашиглаж байгаа аж. Газар хөдлөх үед гэмтэл үүссэн ч засжээ. Жижиг засварыг сургуулийн сантехникч дор бүр нь хийдэг юм байна. Тус сумын цэцэрлэгийн ариун цэврийн байгууламж ч хэвийн ажиллаж байна.

Цахир суманд 320 хүүхдийн суудалтай сургууль барьж, өнгөрсөн 1-р сард улсын комисс хүлээн авчээ. Хуучин хичээлийн байранд зарим анги хичээллэж байгаа бөгөөд ариун цэврийн байгууламжаа тогтмол ашиглаж байна. Дотуур байрны хүүхдүүд гадаа гарч бие засахгүй болж, усанд орж хэвшжээ. Цэцэрлэгийн ариун цэврийн байгууламж бүтэн.

Ихтамир сумын ерөнхий боловсролын сургууль, дотуур байрны ариун цэврийн байгууламжийг байнгын ашиглалтад хүлээн авсан ч өнөөдрийг хүртэл ашиглаагүй байна. Түүнийг барьсан компанид жорлонгоо ашиглалтад оруулах 7 хоногийн хугацаатай үүрэг өгчээ. 7 хоногийн дараа дахин тус суманд ажиллаж, шалгах юм.