Өмнөд Солонгосын жүжигчин Ким Сэ Роныг Сөүл хотын Сондонг-гу дахь гэрээс нь нас барсан байдалтай олсон тухай Ням гарагт цагдаагийн газраас мэдээллээ.
Жүжигчин Ким Сэ Рон 24 настай байсан бөгөөд найз нь түүний цогцсыг гэрээс нь олж, 16:50 цагийн орчимд цагдаад дуудлага өгсөн байна. Цагдаа нар үхлийн шалтгааныг шалгаж байгаа бөгөөд гэрт нь хэн нэгэн гаднаас нэвтэрсэн шинж байхгүй байна гэж мэдэгджээ.
2000 онд төрсөн жүжигчин Ким 2009 онд жүжигчний гараагаа эхэлж байжээ.Тэрээр 2022 оны тавдугаар сард согтуугаар машин жолоодож жүжигчний карьераа зогсоосон юм. Шүүхээс түүнийг 20 сая вон буюу 13,850 ам.доллараар торгож байсан аж.