2 дугаар сарын 15-нд 2NE1 хамтлагийн албан ёсны фенүүдийн холбооноос мэдэгдэл гаргаж хамтлагийн гишүүн Пак Бомыг хамтлагийн үйл ажиллагаанаас хасахыг шаардсан байна. Түүний аялан тоглолтын үеэр үзэгчдээ хүндлээгүй, чин сэтгэлээсээ ханддаггүй байдал болон тайзан дээрх үл тоомсорлосон зан байдлыг эрүүл мэндийн шалтгаанаар зөвтгөх боломж байхгүй гэж мэдэгджээ. Түүний гаргаж буй зан байдал цаашид тэвчихийн аргагүй хэмжээнд хүрсэн” гэж тэд хэлэв.

Мөн нэг алдааг уучилж болох ч, давтагдсан эмх замбараагүй үйлдэл нь 2NE1-ийн бусад гишүүд болон 10 гаруй жил хүлээсэн шүтэн бишрэгчдийнхээ хүлээлт рүү ус цацсан мэт сэтгэгдэл төрүүлж байна гэжээ.

Саяхан Пак Бом олон нийтийн сүлжээнд жүжигчин И Мин Хог “нөхөр” гэж олон удаа дурдаж, түүнтэй холбоотой зургуудыг нийтэлсэн нь шүтэн бишрэгчдээ үл тоосон тоглоом хийсэн хандлага байснаас гадна түүний энэхүү үйлдэлд өртсөн жүжигчин болон тэдний шүтэн бишрэгчдээс уучлалт гуйж байна.”гэж тус мэдэгдэлд дурдсан байна.

Фенүүдийн холбоо сүүлийн үеийн тоглолтуудын үеэр Пак Бомын гаргаж буй зан авирыг мөн шүүмжилжээ. “Тэр эрүүл мэндийн шалтгаанаар халхавчлан тоглолтын дундуур байнга гарч, үнэмшилгүй үйлдэл хийдэг. Тэрээр зөвхөн гадаад төрхдөө анхаарал хандуулж, тайзан дээр гарах хүсэлгүй, Солонгос болон гадаад дахь шүтэн бишрэгчдийн урмыг хугалсан” гэжээ.

Эцэст нь тэд “Эрүүл мэндийн шалтгааны улмаас эсвэл өөр ямар нэг шалтгааны улмаас үүргээ бүрэн дүүрэн биелүүлээгүй Пак Бомтой цаашид үйл ажиллагаагаа үргэлжлүүлэх нь багт ихээхэн хохирол учруулах болно. Тиймээс бид Пак Бомыг 2NE1-ийн цаашдын үйл ажиллагаанаас хасахыг албан ёсоор хүсч байна.”гэж мэдэгдсэн байна.