2025 он гарсаар дэлхийн хэмжээнд кино театрын тасалбарын орлогоороо Хятадын “Нэжа 2” хэмээх анимэйшн кино тэргүүлээд байна. 2-р сарын 17-ны өдрийн байдлаар “Нэжа 2″ киноны дэлхийн хэмжээнд зарагдсан тасалбарын орлого 12 тэрбум юанийг давж, мөн дэлхийн киноны тасалбарын орлогын жагсаалт дахь эхний 10 киног тэргүүлээд байна.

Мөн 2025 оны дэлхийн киноны ганц зах зээлд хамгийн өндөр тасалбарын орлогын рекордыг тогтоосон киногоор тодроод байгаа юм. Өмнө нь “Нэжа 2″ кино нь дараалан олон дээд амжилт тогтоож, дэлхийн хэмжээний хүүхэлдэйн киноны тасалбарын орлогын жагсаалтын эхний 2-т бичигдэж, тасалбарын орлогоор 10 тэрбум юанийг давсан Хятадын болон Азийн анхны кино болсон юм.

Уг кино нь мөн дэлхийн хэмжээнд 1 тэрбум ам.долларын орлого олсон 57 дахь кино, 14 дэх анимэйшн кино, 1 тэрбум ам.долларын орлогыг давсан анхны Хятадын болон англиас өөр хэл дээрх киногоор тодроод байна. “Нэжа 2” кино мөн Хятадын хамгийн өндөр орлоготой “Чанжин нуурын тулалдаан” хэмээх киног орлогоороо тэргүүлж, англиас өөр хэл дээрх бүх цаг үеийн хамгийн өндөр ашиг орлоготой киногоор нэрлэгдэж байна. “Нэжа 2” кино нь Австрали, Шинэ Зеланд, Фижи, Папуа Шинэ Гвиней улсад өнгөрсөн долоо хоногийн пүрэв гарагт албан ёсоор нээгдсэн бол баасан гарагт Хойд Америкт нээлтээ хийжээ.

Түүнчлэн удахгүй Сингапур, Малайз, Египет, ӨАБНУ, Пакистан, Япон, Өмнөд Солонгос зэрэг улсуудад нээхээр төлөвлөсөн байна. Хятадын эртний үлгэр домгоос сэдэвлэн бүтээсэн уг кино IMDB вебсайт дээр одоогийн байдлаар 8.3 онооны үнэлгээтэй явж байна.