Олон нийтийн сүлжээнд ёс бус үг хэлсэн гэх иргэн Б.Баярбаатарын зөрчлийн хэргийг Давж заалдах шатны шүүхээр хэлэлцэж, хэрэгсэхгүй болгожээ. Түүнийг бусдыг гутаан доромжилсон хэргээр шүүхээс 30 хоног баривчлах шийтгэлийг ногдуулсан ч цагдан хорих захирамжийг түдгэлзүүлж өнгөрсөн нэгдүгээр сарын 14-нд сулласан. Түүнд холбогдох хэргийн Давж заалдах шатны шүүх хурал өнөөдөр /2025.02.19/ болж, анхан шатны шүүгчийн шийдвэрийг хүчингүй болгожээ.

Тэрбээр 2024.12.26-ны өдөр иргэн “Бурханы хүү Баярбаатар” нэртэй цахим хаягаар дамжуулан олон нийтийн сүлжээнд лайв бичлэг хийхдээ ёс бус үг, хэллэг хэлж, олон нийтийг үл хүндэтгэсэн болох нь тогтоогдож, шүүхээс 30 хоног баривчлах шийтгэл оногдуулж байсан юм.