Архангай аймгийн Хайрхан сумын нутагт 12 настай хүүхэд мориноос унаж нас барсан харамсалтай хэрэг гарчээ.

Энэ талаар Цагдаагийн байгууллагаас тодруулахад 2025 оны хоёрдугаар сарын 19-ний өдрийн 16:00 цагийн орчимд Архангай аймгийн Хайрхан сумын эмнэлэгт хүүхэд мориноос унаж нас барсан байдалтай ирлээ гэх мэдээлэл бүртгэгдсэн байна.

Шалгалтын явцад 12 настай хүү С нь тухайн өдөр хашаан дотроо ганцаараа морь унаж байгаад унаж, чирэгдсэн байж болзошгүй нөхцөл байдал тогтоогджээ. Одоогоор шалгалтын ажил үргэлжилж байгаа аж.