Жил бүр уламжлал болгон зохион байгуулагддаг “Цагаан сар” үзэсгэлэн-худалдааг энэ жил “Монгол баяр-Монгол бэлэг” уриатайгаар төвийн бүсийг хамруулан, 13 хоног зохион байгууллаа. Үзэсгэлэн-худалдаанд 250 гаруй иргэн, аж ахуйн нэгж оролцож, нийт 1.3 тэрбум төгрөгийн бүтээгдэхүүн борлуулав. Энэ үйл ажиллагааг ХХААХҮЯ, Жижиг, дунд үйлдвэрийн газар, Зээлийн батлан даалтын сан, Дархан-Уул аймгийн ЗДТГ, ХХААГ, МҮХАҮТ-ын Дархан-Уул аймаг дахь салбар танхим хамтран зохион байгууллаа.

Шилдэг бүтээгдэхүүн:

1.Төвийн бүсийн шилдэг бүтээгдэхүүнээр: “Мөнх-Ундрам хүнс” ХХК-ийн “Алтан арвай” хэвийн боов
2.Хүнсний үйлдвэрийн шилдэг бүтээгдэхүүнээр: “Найртын-Эхэнд дэлгэрэх” ХХК-ийн гүрмэл боов
3.Хөнгөн үйлдвэрийн шилдэг бүтээгдэхүүнээр: “Ану-Энх наран” ХХК-ийн сүлжмэл эдлэл,
4.Үзэсгэлэнгийн нэрэмжит шагналаар: “Шинэ үе хамтын холбоо”ТББ-ын “Монгол наадгай” хөлөгт тоглоом
5.Шилдэг өрхийн үйлдвэрлэгч иргэнээр: Б.Энхбаярын суран эдлэл шалгарлаа.

Мөн “Шинэ хоршоо” хөдөлгөөний хүрээнд батлан даалттай зээл авч, зориулалтын дагуу төслийг үр дүнтэй хэрэгжүүлсэн төвийн бүсийн “Шилдэг хоршоо”-г шагналаа.