“Элдэв эрдэнэт” хэмээх модон могой жилийн сар шинийн баярт зориулсан хүчит 256 бөхийн барилдааны хоёрын даваа үргэлжилж байна. Хоёрын давааны эхэнд том цолтой бөхчүүдээс Улсын аварга П.Бүрэнтөгс, Улсын арслан Ц.Бямба-Отгон нар өвдөг шороодлоо.

Тодруулбал, Улсын аварга П.Бүрэнтөгс аймгийн начин А.Хишигдоржид, Улсын арслан Ц.Бямба-Отгон аймгийн начин Б.Бат-Эрдэнэд тус тус өвдөг шороодов. Мөн Улсын харцага Б.Зоригтбаатар аймгийн заан Т.Батсүрэнд уналаа.

Тэд сар шинийн барилдаанд хамгийн дээгүүр барилдах бөхчүүдийн дунд яригдаж байсан юм. Энэ ч утгаараа сар шинийн барилдаан олон хүмүүсийн таамгийг эвддэгээрээ онцлог билээ