BTS-ийн гишүүн J-Hope ирэх долоо хоногт Жимми фаллоны “The Tonight Show”-д анх удаа бие даасан уран бүтээлчээр оролцоно гэж мэдэгдлээ.

Энэхүү шоу нь даваа гарагт (АНУ-ын цагаар) J-Hope-г вэб сайтынхаа зочноор танилцуулж, мөн YouTube хуудсанд богино танилцуулга видеог нийтэлжээ.

J-Hope өмнө нь BTS хамтлагийнхантайгаа олон удаа тус ток шоунд оролцож байсан ч энэ нь удаа тэрээр анхны бие даасан зочин болж байна. J-Hope энэ шоунд оролцох үеэрээ удахгүй нээлтээ хийх дижитал сингл “Sweet Dreams” дуугаа дуулах төлөвтэй байна. Реппер бүжигчин J-Hope 2022 оны 6 дугаар сард “Jack In the Box” дуугаараа бие даасан дебютээ хийсэн. Өнгөрсөн 10 дугаар сард цэргийн албанаас халагдсан BTS-ийн хоёр дахь гишүүн болсон тэрээр саяхан анхны бие даасан дэлхийн аялан тоглолтоо эхлүүлээд байгаа билээ.