2024 оны нэгдүгээр сарын 24-ний өдөр Баянзүрх дүүргийн 26 дугаар хороо, Дүнжингарав худалдааны төвийн урд замд газ тээвэрлэж явсан том оврын автомашин дэлбэрсэн. Уг ослын улмаас үүрэг гүйцэтгэж байсан онцгой байдлын гурван алба хаагч, 4 иргэн амиа алдаж, 228 иргэн 15 аж ахуйн нэгж байгууллагын эд хөрөнгөд 18.8 тэрбум төгрөгийн хохирол учирсан нь тогтоогдсон юм.

Хэргийг прокурорын байгууллагаас нийслэлийн Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүх рүү шилжүүлсэн. Шүүхээс хэргийн материалыг хянаж үзээд, хүлээн авсан байдаг.

Хуулийн байгууллагаас дэлбэрэлт болсон хэргээр “Дашваанжил” ХХК-ийн захирал, том оврын машины жолоочийг яллагдагчаар татсан гэж мэдээлсэн.

Нийслэлийн Баянзүрх дүүрэгт болсон газ дэлбэрсэн ослын хэргийн урьдчилсан хэлэлцүүлгийг өнөөдөр товлосон боловч тодорхойгүй хугацаагаар хойшлуулжээ. Учир нь шүүх хурлыг даргалагч шүүгч нь ногоон автобусны хурлын бүрэлдэхүүнд ажиллаж байгаа учраас хурлыг хойшлуулахаар болсон байна.