Цахим мөрийтэй тоглоомыг бүрэн хориглох хуулийн төслийг ЗГХЭГ-ын дарга  О.Учрал санаачилж, УИХ-д нэн яаралтай горимоор өргөн мэдүүлэхээр шийдвэрлэсэн байна. Түүний санаачилсан уг хууль и-спорт сонирхдог олон хүүхэд, залуусын ирээдүйг хязгаарлах нь гэж олон нийт бухимдаж байна.

Уг хуулийн төсөлд “Bet-ээр спорт бооцоо, таавар тавьж болно” гэж байсан ч спорт таавар таахыг хоригложээ. Тодруулбал: “Цахим мөрийтэй тоглоом тоглох, зохион байгуулах, зуучлах, тоглох, сурталчлах”-ыг болон нэмээд спорт төлбөрт тааврын бүх төрлийн BET-ийг Монгол Улсын нутаг дэвсгэрт бүрэн хориглож, гэмт хэрэгт тооцох хуулийн төслийг УИХ-д өргөн мэдүүлэхээр эцэслэн найруулж байна. Хүний хувь заяаг золиослон бооцоолдог, мөрийнд тавьж мөнгө, ашиг асар ихээр олдог сүлжээний эрх ашиг хөндөгдөх тул Та бүхнийг дэмжиж өгөхийг хүсье” хэмээжээ.

Цахим мөрийтэй тоглоомыг бүрэн хориглох хуулийн төсөлд Засгийн газрын хуралдаанд сайд нарын илэрхийлсэн байр суурь, иргэд, эдийн засагч, хуульч, судлаач, мэргэжлийн холбоодын саналыг тусгаж байгаа аж. Тус хууль батлагдвал цахим мөрийтэй тоглоом, спорт бооцооны таавар Монголд байхгүй болно. Хэрвээ ТВ, Фм радио, Youtube, Facebook, Instagram, Tik tok гэх мэт олон нийтийн сувгаар 1xbet, Melbet болон бусад цахим мөрийтэй тоглоомыг сурталчилсан тохиолдолд эрүүгийн хариуцлага хүлээлгэх аж.

Үндэсний статистикийн хорооноос хийсэн судалгаагаар 2023 оны байдлаар эдийн засгийн гэмт хэрэг 200 бүртгэгдэж, 2024 онд эдийн засгийн гэмт хэргийн улмаас нийт 417.2 тэрбум төгрөгийн хохирол учирсан гэх судалгаа гарчээ. Насны бүлгээр нь авч үзвэл

-18-29 насныхан 9.2 хувийг

-30-39 насныхан 47.7 хувийг эзэлж байна.

Цахим мөрийтэй тоглоомоор дамжиж, 1.7 их наяд төгрөг буюу 500 сая ам.доллар Монголоос гадагшилжээ. Зөвхөн 1Хbet-ээс манай улс руу зар сурталчилгааны зорилгоор 976 сая ам.доллар шилжиж ирсэн байна. Бүх төрлийн үйл ажиллагааг спонсорлох нэрийдлээр оруулж ирдэг аж.