Өчигдөр Тайландын волейболын дээд лигийн шилдгүүд тодорлоо. Энэ лигт Монгол Улсын шигшээ багийн тамирчин Тамираагийн Хангал “Nakhonratchasima VC” клубийн хамт лигийн хошой аварга болсноос гадна “Шилдэг довтлогч” боллоо.

   Тэрээр анх 2022-2023 оны лигт Тайландад очиж байсан юм. Ингээд анхны очсон жилдээ аварга болж, мөн шилдэг довтлогчоор шалгарч, “Үнэ цэнтэй” тоглогчоор тодорсон билээ. Түүний тоглосон “Nakhonratchasima VC” клуб нэг ч хожигдолгүй лигийн хүснэгтээ тэргүүлж, финалын шатанд шалгарч үлдсэн юм.