Волейболын үндэсний дээд лигийн хошой аварга, лигийн мөнгө, хүрэл медальт “Хасу Мегастарс” багийн тамирчин, спортын мастер С.Нямсүхийн цолыг төрөлх нутгийхан нь 46.121.430 төгрөгөөр мялаав.
2024-2025 оны улиралд багийнхаа хамт алтан медаль, аваргын цом өргөсөн С.Нямсүхийн хувьд өнгөрсөн нэгдүгээр сард “Спортын мастер” цол, тэмдгээр шагнуулсан юм. Ийн “Их-Уул” нутгаараа овоглон улсынхаа дээд лигт ур ухаан, уран чадвараа шагшуулж яваа түүний амжилт, тамирчны хөдөлмөрийг үнэлэх үүднээс төрөлх сумаас нь 5000*5000″ аяныг эхлүүлсэн. Энэхүү аян нь шилдэг залуу үеийн төлөөллийг урамшуулан дэмжиж цаашдын боломжийг нээж өгөх, хүүхэд залуучуудад бахархан дуурайх хүсэл эрмэлзэл төрүүлэхэд нөлөөлөх зорилготой байсан юм.
Сүхээгийн Нямсүх нь волейболын Үндэсний дээд лигт
2019 oн алт
2021 oн мөнгө
2022 он мөнгө “Шилдэг довтлогч”
2023 oн хүрэл
2024-2025 оны улиралд алтан медаль хүртсэн билээ.