Монголын Сагсан Бөмбөгийн Холбоо (МСБХ) анх удаа Зүүн Азийн Супер Лигийн Зөвлөл (EASL Advisory Board)-ийн хуралд гишүүний хувиар оролцож, өнгөрсөн жилийн маркетинг, медиа тайлан, ирэх жилийн тоглолтын хуваарь болон системийн талаар хамтран хэлэлцлээ.

Хурлын эхэнд Монголын 3×3 баг Азийн хүчирхэг цөм (Asian Powerhouse) хэмээн тодорхойлогдож, 5×5 сагсан бөмбөгт онцгой анхаарал хандуулан, Үндэсний Дээд Лиг болон шигшээ багууд богино хугацаанд хурдацтай хөгжиж буйг онцолсон бөгөөд EASL-ийн гишүүн орнууд Монгол улсыг баяртайгаар угтан, амжилт хүсжээ.

Хурлын үеэр AI технологийн компаниуд, олон улсын тоглогчдын агентүүд, Солонгос, Тайвань, Японы лигүүд болон Австралийн  багууд МСБХ-тай уулзалт товлон, харилцан хамтран ажиллах саналтайгаа илэрхийлсэн бөгөөд Японы B League-ийн төлөөлөгчид Монголоос тоглогч авахаар төлөвлөж байгаагаа илэрхийлж хамтран ажиллахаар болсон байна.

Тэгвэл МСБХ-ны Үндэсний Дээд лигийн 2025 оны аварга баг ирэх улирал East Asian Super League-ийн  2025 оны аварга Япон улсын Hiroshima Dragonflies баг, БНСУ-ын KBL лигийн аварга баг, Филиппиний PBA лигийн дэд аварга багуудтай нэг хэсэгт орохоор боллоо.