Монгол гаралтай сагсанбөмбөгч И Гын Хви (27 настай, Болдсүх) 2025 оны 2-р сард БНСУ-ын шигшээ багийн тамирчнаар сонгогдож, мөрөөдлөө биелүүлэв. Тэрээр 2009 онд 11 настайдаа ээжтэйгээ хамт Солонгост очжээ.
БНСУ-ын шигшээ багт орохыг багаасаа мөрөөдөж байсан ч тус улсын иргэншилгүй учраас олон улсын тэмцээн, улсын аварга шалгаруулах тэмцээнд нь оролцох боломжгүй байв. 2018 онд их сургуулийн хоёрдугаар курст байхдаа БНСУ-ын иргэншилтэй болж, 2023 онд Юниверсиад наадамд оролцсон нь түүнд шигшээ багийн гишүүн болох боломжийг нээж өгсөн байна.
Тэрээр “Пусан KCC” багийн шилдэг шидэгчээр (шүүтэр) тоглож, 3 онооны шидэлтийн амжилтаараа (43.8%) лигийн тэргүүн байр эзэллээ. БНСУ-ын шигшээ багийн дасгалжуулагч Ан Жүн Хо түүнийг “3 онооны маш найдвартай шидэгч” гэж үнэлжээ.
2026 онд чөлөөт агент (FA) болох И Гын Хви “Үнэ цэнээ ойлгож, намайг үнэлэх багт очиж, амжилтад хүрэхийг хүсэж байна” гэж ярив. Мөн тэр ээждээ далай харагддаг байшин бэлэглэхийг мөрөөддөг. Дүүгийнхээ сургалтын төлбөрийг хариуцдаг. Түүний ээж Чанвон хотод монгол хоолны ресторан ажиллуулдаг.
Түүний солонгос нэр “Үндсээсээ гэрэлтэх” хэмээх утгатай аж. И Гын Хви Солонгосын сагсан бөмбөгийн ертөнцөд нэр шигээ гялалзаж байна.
Эх сурвалж: https://www.hani.co.kr/
One response to “Монгол гаралтай залуу сагсанбөмбөгч И Гын Хви мөрөөдлөө биелүүлэв”
Угаасаа Монгол хүү юм байна лээ. Ээжийгээ дагаж Солонгост ирээд дунд, ахлах сургууль, Ханён их сургуулийг төгссөн. Солонгос иргэншилгүй байсан болохоор Улсын шигшээ багт тоглох боломжгүй байсан учраас Солонгос иргэншилтэй болсон гээд Солонгосын ТВ-д ярилцлага өгсний нь уншиж байсан. Нэг Монгол залуу хүний нутагт Монгол гэдгээ дуусгаад явж байгаа нь бахархалтай байна аа. Хүний л амьдрал ш дээ