Монголын сагсан бөмбөгийн холбооноос улирлын тойргийн тоглолтуудад амжилтаараа эрэмбэлэгдсэн багуудад улирлын урамшуулал олголоо.

Тодруулбал “Хасын Хүлэгүүд” баг МСБХ-ны Үндэсний Дээд Лигийн 2024-2025 оны улиралд “19 хожил 8 хожигдол” гэсэн амжилт үзүүлж МУГТ Ц.Шаравжамцын нэрэмжит тойргийн тоглолтуудын аварга багаар тодрон, цом болон 100.000.000 төгрөгийн мөнгөн шагнал хүртлээ.

     Харин “SG Apes” баг гуравдугаар байрт эрэмбэлэгдэж 75.000.000 төгрөг, “BCH Knight” баг дөрөвдүгээр байрт эрэмбэлэгдэж 65.000.000, “Сэлэнгэ Бодонс” баг тавдугаар байрт эрэмбэлэгдэж 55.000.000, “Эрдэнэт Майнерс” баг зургадугаар байрт эрэмбэлэгдэж 45.000.000, “Дархан Юнайтед” баг наймдугаар байрт эрэмбэлэгдэж 25.000.000, “Налайх Бизон” баг есдүгээр байрт эрэмбэлэгдэж 15.000.000, “INUT YES TLG” баг аравдугаар байрт эрэмбэлэгдэж мөн 15.000.000 сая төгрөгийн улирлын урамшуулал хүртлээ.

Дашрамд, Сагсан бөмбөгийн Үндэсний дээд лигийн плэй-оффын эхний шатны тоглолтууд өчигдөр эхэлсэн. Плэй офф-ын эхний шатанд “Хасын Хүлэгүүд Дархан Юнайтед багууд, “BSH Knight”, “Сэлэнгэ Бодонс” багууд, “SG Apes”, “Эрдэнэт Майнерс,  “Бишрэлт Металл” “Завхан Бродерс” багууд хоорондоо учраа таарсан.

Өчигдрийн тоглолтын дараах байдлаар Хасын Хүлэгүүд, Сэлэнгэ Бодонс, SG Apes, Бишрэлт Металл багууд эхний хожлоо авлаа.