Засгийн газрын ээлжит хуралдаанаас гарсан шийдвэрийн талаар сайд нар мэдээлэл хийлээ.

Энэ үеэр ЗГХЭГ-ын дарга Н.Учрал; Ард иргэдийн зүгээс үнэ болон татвар нэмэгдүүлэх тал дээр санаа зоволтгүй. Олон улсын нөхцөл байдал хүндэрч, худалдааны саад бэрхшээлээс үүдэн үнийн өсөлт, инфляци эрчимжиж байна. Энэ хямралыг даван туулж, иргэдийнхээ нуруунд нэмэлт ачаа үүрүүлэхгүй байхын тулд төрөөс үзүүлж буй бүх төрлийн үйлчилгээний төлбөр, хураамж нэмэхгүй, орон нутгийн бүх шатны татвар, хураамжийн хувь хэмжээг өсгөхгүй, иргэдийн амьжиргаанд дарамт учруулахгүй байх бодлогыг баримталж ажиллах чиглэлийг Яам, агентлаг ,төрийн бүх шатны байгууллага, аймаг, нийслэлийн удирдлагуудад хүргүүллээ.